ولا تكتموا الشهادة

النهاردة حصلت حاجة غريبة جدا .. وعشان هي غريبة جدا أنا ماستغربتهاش .. لأن الغريب في الزمن ده أصبح هو العادي والعادي أصبح هو الغريب .. يعني الدنيا ماشية العكس . والحاجة الغريبة دي هي إن لما واحد أنطلب في شهادة علي واقعة او حادثة سيارة راح نتيجتها اخ عزيز وشاب زي الفل .. فقدناه في غمضة عين .. المهم .. الشخص ده رفض يشهد علي الحادثة رغم انه عامل أساسي في القضية وشهادته عليها عامل كبير ممكن توقع بالجاني أو السائق .. وأسمحولي اعرفكم بالشخص اللي كان سايق السيارة واللي عمل الحادثة ..... الشخص ده واحد شاب زيي وزيك .. بس هو مختلف عننا شوية ... هو شاب .. بيشرب وبيشم وبتاع مخدرات .. بالأضافه لكده هو أعور يعني بيشوف بعين والعين التانية مش شغاله عشان ظروفها كده أو ممكن تقول مش واصلها كهرباء .. وكمان كان سايق من غير رخصة لأنه أساسا معندوش رخص .. ولأنه كان عايز يتعلم السواقة .. فطلعت في دماغه تعلم السواقه .. المهم أنه التاكسي بتاعهم موجود ... واللي هيعلمه موجود .. وكله في الكلشت ... يبقي ناقص إيه .. ناقص أنه يسوق .. وطبعا مش أي سواق .. ده سواق يعتبر درجه أولي .. ومين يلاقي سواق زي ده .. سواق أعور ومفيش معاه رخص وسايق تحت تأثير مخدر ... بالله عليك سواق بريمو زي ده تنتظر أنه يعمل إيه ... أكيد يعمل كارثة زي اللي حصلت لنا ... حادثة رهيبة داخل البلد راح ضحيتها شاب زي الفل نتيجة طيش الشباب ونوم المسؤلين عن المرور في أوقات الليل . ولما جينا نطالب بحق الشاب ده ... لقينا أنه الناس للأسف مبقتش ناس وكل واحد خايف وعايز يفضل في حاله ... وتتحرق الدنيا باللي فيها طالما انا عايش . وحسبنا الله ونعم الوكيل ...،

لكم الحب والود بلا حدود تم تم